النهارده 22 سبتمبر 2014 الموافق اليوم العالمي لترك السيارت وإستخدام المواصلات العامه وكل حاجة بتمشي علي عجلتين، زي المتوسكل والعجله ..إلخ.
اللي بدأ اليوم ده كان واحد إسمه " Eric Britton" وأعلن عنه في مؤتمر اسمه "International Accessible Cities" وكان وقتها منعقد في توليدو، أسبانيا.
في خلال سنتين، بدأ بالفعل تنظيم فعاليات أول إحتفال عالمي لترك السيارة في أيسلندا، المملكه المتحده وفرنسا، وده كان سنة 1995
وفي سنين قليلة بلاد كتير بدأت فعلاً تنظم فعاليات وإحتفاليات في يوم 22 سبتمبر من كل عام ويستغنوا عن سياراتهم ويركبوا المواصلات العامه ويمشوا في الشوارع.
جدير بالذكر إن في ناس في مصر إحتفلت باليوم العاملي لترك السيارت ونظموا أكتر من حدث للمشي وركوب العجل، وده حصل في أكتر من محافظه مش القاهره وبس.
اليوم ده بيختلف من بلد للتانيه في طريقة الإحتفال، بس هو بشكل عام كل البلاد متفقين على أهمية تقليل إستخدام السيارات لما تسببه من تلوث بيئي وأضرار أخري والإتجاه لإستخدام المواصلات العامه ووسائل المواصلات ذات العجلتين.
يا تري هل ممكن تستغني عن سيارتك وتستخدم المواصلات العامه؟ ليه لأ؟ وليه أيوه؟
